
Даниела Ходрова
Даниела Ходрова (Прага, 1946) е добитничка на наградите за литература „Франц Кафка“ (2012) и „Магнезија литера“ (2016). Работела како уредник во издавачката куќа „Одеон“, а потоа на Институтот за чешка и за светска книжевност при чешката Академија на науките. Позната е како литературен теоретичар, поетеса, прозаист и преведувач. Во нејзините објавени дела се вбројуваат: „Барање на романот“, „Тхета“, „Марионети“, „Кралство на душите“, „Гледам град“, „Денот на Перун“, „Изгубени деца“, „Измачувачки град“, „Комедија“ „Доловување“, „Спирални реченици“ и др. Досега е преведена на англиски, германски, француски, бугарски и полски.

