Чарлс Буковски – Холивуд (II издание)

страници:256 формат:180×110 цена:300 ден

Холивуд (1989) е претпоследниот роман за сагата на Хенри Кинаски, како што самиот Буковски вели: „роман за пишувањето на сценариото и снимањето на филмот Барфлај“, каде што во главните улоги се појавуваат Мики Рурк и Феј Данавеј. Холивуд е бескомпромисна иронија на холивудскиот свет на филмските ѕвезди, продуценти, сценаристи. Жешка критика на помпезниот свет на славните, додека бедните и маргинализираните умираат по улиците на славниот Холивуд.

Холивуд.pdf

Хенрик Сјенкјевич – Скици нацртани со јаглен

страници:237 формат:180×110 цена:250 ден

Скици нацртани со јаглен е избор од четири новели, коишто се сметаат за едни од најдобрите на Хенрик Сјенкјевич. Иако останале во сенка на неговиот огромен опус од историски романи, коишто на Сјенкјевич му донеле голема писателска слава, сепак неговите новели и раскази претставуваат многу важен елемент од неговото творештво.

Скици нацртани со јаглен.pdf

Оскар Вајлд – Кантервилскиот дух

страници:65 формат:180×110 цена:140 ден

Кантервилскиот дух е новела чиешто дејствие е сместено во еден стар англиски замок, каде што владее духот на сер Симон Кантервил. Духот бил непокорлив владетел на замокот, се’ додека едно американско семејство не се вселило во него и не започнале да се случуваат паранормални случувања, во коишто дури ни самиот дух не е поштеден.

Навидум едноставна и пријатна за читање, сепак Кантервилскиот дух содржи и голема доза на хумор, но и интересна претстава на културолошките разлики помеѓу Американците и Англичаните. „Зајадливото перо“ на Оскар Вајлд, исто така на хумористичен начин го засегнува и современиот капиталистички свет, во којшто биле загубени некогашните духовни вредности.

Кантервилскиот дух.pdf

Бруно Шулц – Продавниците со боја на цимет / Санаториумот во знакот на Клепсидрата

 

страници:423 формат:180×110 цена:380 ден

Продавниците со боја на цимет и Санаториумот во знакот на Клепсидрата, се збирки раскази коишто ги раскажуваат семејните случки на трговско семејство од едно мало гратче, каде што не е тешко да се забележи сличноста со Дрохобич, родниот град на писателот. Авторот на тие случки им додава митолошки вредности, што е карактеристичен Шулцов начин на изразување – честопати визионерски, ониричен и поетски. Па, така, тоа е „митологизирана реалност, преработена од фантазијата, артистички деформирана и збогатена огромен број однесувања или алузии до многубројни литературни дела, до возвишените митови, до другите поегзотични подрачја на реалноста“. Реалноста на расказите слободно се меша со фантастиката. Предметите честопати имаат својства на живи суштества, животните добиваат човечки карактеристики, банални чинови се возвишувани до рангот на митовите. Младиот Јузеф, кој ја има функцијата на наратор, особено е фасциниран од Таткото, повеќезначен лик, којшто функционира на границата помеѓу живите и мртвите.

Продавниците со боја на цимет/Санаториумот во знакот на Клепсидрата.pdf

Оскар Вајлд – De Profundis

страници:165 формат:180×110 цена:220 ден.

De Profundis е елоквентниот огорчен прекор на Оскар Вајлд напишан од затвор до неговиот љубовник Лорд Алфред Даглас („Боузи“). Во долгото писмо Вајлд го обвинува Лорд Алфред за себичност, плиткост, паразитство, алчност, расипништво, бес, ограниченост на духот и запоставување. Тој го спротивставува ваквото однесување кон него со несебичното посветување на неговиот близок пријател Роберт Рос („Роби“), кому Вајлд му го дoверува делото и понатамошната негова иднина. Рос е одговорен и за насловот на делото, а тој ја објавува и скратената верзија на писмото во 1905 година.

De Profundis.pdf

Нарачај

Андреа Јанковски – Раскази кои немаат намера да бидат тоа

страници:139 формат:180×110 цена:200 ден.

Раскази кои немаат намера да бидат тоа е зрел наративен ракопис од постмодерен тип, тоа се суптилни, проникливи откршоци од нашата стварност и секојдневие, пропуштени низ призмата на авторската раскошна имагинација, но и низ призмата на една завидна интелектуална наобразба која денес теоретичарите обично ја сместуваат во парадигмата интертекстуалитет. Андреа Јанковски е новото откритие на нашиот расказ.

Нараторот на Јанковски е лик кој ги испитува прашањата на доблестите, страстите, искушенијата, љубопитноста, трпеливоста, разборитоста, расудувањата, владеењето со себеси и со околностите, искуството, судирите, благодарноста.

Раскази кои немаат намера да бидат тоа.pdf

Нарачај

Хенрик Сјенкјевич – Крстоносци

страници:860 формат:200×140 цена:570 ден.

Крстоносци е историски роман, во кој авторот го опишува полско-тевтонскиот конфликт во фазата на неговото најголемо насилие. Главен мотив во романот е битката кај Грунвалд, во која Полјаците извојувале огромна победа над моќниот Тевтонски крстоносен ред. Безбројни измами, неправди, битки за живот или смрт, обичаи од огромно морално значење, авантури, љубов… сето тоа во еден роман, којшто на Хенрик Сјенкјевич му донесе огромна светска слава.

Крстоносци.pdf

 

Роберт Луис Стивенсон – Киднапиран

страници: 245 формат: 200×140 цена: 250 ден.

Киднапиран е класична авантуристичка приказна, подеднакво возбудлива денес, како и кога била за прв пат издадена.Кога тргнува во потрага по својот последен жив роднина, чичкото Ебенизер, младиот Дејвид Балфур воопшто нема претстава за опасностите и интригите кои оваа средба ќе ги предизвика. Наскоро сфаќа дека чичко му е стар скржавец и лажго, но пред да ги открие неговите ѓаволски планови, Дејвид е измамен да се качи на бродот Ковенант, како род на пат кон Каролина… Совладувајќи ги опасностите на морето и неизвесноста од лошата судбина која го снаоѓа откако е исфрлен после бродоломот, вклучувајќи ги и обвинувањата за убиство, на крај Дејвид победнички си го бара своето вистинско наследство.

Киднапиран.pdf

Нарачај

Ришард Капушќињски – Империјата

страници: 349 формат: 200×130 цена: 400 ден.

„Империјата“, култното дело од Ришард Капушќињски – легендата на полската и светската репортажа. Познат како „човекот надарен со апсолутно чувство за информација, атмосфера и настани“. Репортажа за мрачната страна на Русија и поранешниот СССР. Книгата којашто едноставно никого не остава рамнодушен!

„По улиците на Магадан се оди по високи ходници ископани во снегот. Тесно е, при разминување треба да се подзастане и да се пропушти другиот човек. Понекогаш ми се случува така да застанам очи в очи со некој постар човек. Секогаш, секогаш во главата ми се наметнува прашањето: А вие што сте биле? Џелат или жртва? […]

И зошто тоа ме интригира и трогнува? Зошто не умеам да го погледнам тој човек обично, без таа неподнослива и наметлива љубопитност? Сепак, кога би собрал храброст да му го поставам тоа прашање, а тој би изреагирал искрено, би можел да добијам ваков одговор: Па, видете, пред себе имате и џелат, и жртва.

И во тоа беше одликата на сталинизмот – дека во многу случаи нема начин да се одвојат тие две улоги. Нај­првин некој тепал како иследник, потоа лежел во затвор и бил тепан, по извршувањето на казната излегувал и се одмаздувал, итн. Тоа бил свет на затворен круг, од кој имало само еден излез – смртта. Тоа била кошмарна игра, во која сите загубиле.“

Ришард Капушќињски

Империјата.pdf

Нарачај

„Книга од песок“ во издание на Бегемот

„… неговата книга се вика Книга од песок, зашто ни книгата ни песокот немаат ни почеток ни крај“

Во збирката Книга од песок, која се состои од 13 раскази,Борхес ги продолжува своите творечки искуства, слободно користејќи ги културолошките, историските, литературните и филозофските контексти, а фабуларните настани ги обојува со авторска интелектуална рефлексија. Расказите од оваа збирка ја засегнуваат темата на алтер егото, љубовта, судбината, претпоставениот ерес, на вечните дела и на мистериозната и фасцинантна книга, бескрајна како песокот…